KOMSAY

کۆمسای لە شاری سنەی ڕۆژهەڵاتی کوردستان لەدایکبووە. ئەو لە تەمەنی شەش ساڵییەوە دەستی بە فێربوونی مۆسیقا کردووە و لەگەڵ گەورەبوونیدا بەردەوام پەرەی بە بەهرەکانی داوە.

کۆمسای ژەنەری ئامێرەکانی کەمانچە و سازە و دواتر ڕێڕەوی هونەریی خۆی بەرەو گۆرانیوتن بردووە. یەکەم دەرکەوتنی فەرمیی لە ساڵی ٢٠١٣ لە بەرنامەی 'خۆشترین دەنگ' بوو. ئەو وەک یەکەم هونەرمەندی کورد لە ستایلی 'ترانس' و 'هاوس' ناسراوە و بە 'شاژنی دەنگی خەمناک' لە کوردستان ناوبانگی دەرکردووە، هەروەها لە ساڵی ٢٠١٥ وەک باشترین خانمە هونەرمەندی کورد لە کوردستان هەڵبژێردراوە.

خاوەن ڕەچەڵەکێکی تێکەڵاوی کوردستانییە؛ لەماڵی باوکیەوە خەڵکی باشووری کوردستانن، لەماڵی دایکیەوە خەڵکی ڕۆژاوای کوردستانن، بەلام دایک و باوکیشی هەر لە ڕۆژهەلات لە دایک بوون و خۆیشی لەدایکبووی ڕۆژهەڵاتی کوردستانە.

ئەو ماوەی دوو ساڵ لە بواری تەلارسازی خوێندوویەتی، پاشان سێ ساڵ لە بەڕێوەبردنی کار (Business Administration) و دوو ساڵیش لە وەرگێڕانی ئینگلیزی، و لە ئێستاشدا سەرقاڵی خوێندنی بواری پزیشکییە.